bisaya portion.
Magbinisaya ko dire aron dili masabtan ni Veejay.hahaha.. Sugod sa nakauli si Veejay dire sa Davao gikan sa Cambodia, kada dominggo, pirmi nalang ko gangisi! Ngano? Nalipay man ko pagdako nga nakauban na pud nako ang isa sa pinaka-duol sa akong kasing-kasing nga tawo–walay uban pa kun dili si Veejay! Gimingaw man gyud ko niya pag-ayo katong naa ni siya sa layong dapit. Maayo na lang arang-arang na ang teknolohiya karon, dili na pareha sa una nga “snail mail” pa ang uso o dili kaya telegrama! Maayo nalang naa nay internet karon nga pwede ka makapadala ug e-mail, maka-chat, ug uban pa! Kay siguro kung wala, ambot lang! Muyaka nalang siguro ko ug mutyabaw tungod sa pagkamingaw sa akong mga higala! hayz. Ang akong mga suod man gud nga mga higala kay naa na sa mga lagyong dapit karon. Pareha ni Ate Ann, tua na sa Cebu; si Athea, tua na sa Canada; si Veejay, mubalik napud sa Cambodia. Sila ra man gyud ang akong barkada sukad pa sa una. Makaguol gyud. Pero karong adlawa. Sobra pa sa lingaw akong natagamtaman! nagsige ra ko ngisi maski sa pag-uli nako dire sa amoang hingtungdan.
Ganinang buntag, miadto ko ilang Veejay kay giuli nako ang iyang libro sa Harry Potter 7, ug ako pud sya gisundo kay manglaag kuno mi. Atong ning tawagon nga “date” kay nagsabot man gyud mi. haha. Bitaw, wala man gyud mi nagsabot kung unsa gyud ang among buhaton ug mga lakaw karong adlawa! Basta kay mag-bonding2x ra mi, mao na na! Mi-gikan mi sa ilang balay mga ala-una-y-medya siguro to. Wala ko kabalo kung sakto ba ang oras, basta kay milakaw mi anang mga orasa! Naabot mi sa may UM Bolton kay mupalit daw sya ug kopya sa Evan Almighty. Pag-abot namo didto, naa gyuy ginabaligya nga salida sa Evan Almighty. Murag kapaliton gani ko pero akong nahinumduman, wala diay mi DVD player dire sa balay! arang kapobre ba! haha..naingon ni Veejay nga gusto niya mag-bowling! arang ka-swerte namo kay duol-duol ra gyud mi sa Dover Lanes –isa ka bowling area nga isa ka kanto gikan sa may Gaisano Center (kung asa mi dapit atong panahona). Mao mibaklay-baklay mi, hisgot-hisgot sa mga panghitabo sa among kinabuhi, lingaw sad. Sadihang pagsaka namo sa taas na gyud sa bowling area, nahinumduman ni Veejay nga wala diay syay baterya sa iyang Digital Camera. Sa kadtong panahona, lagsik pa man kaayo mi mao wala pay problema kung mubalik-balik mi ug baklay padulong nasad sa Gaisano Center. Pagkahuman namog palit ug baterya, eh di nagbowling na mi. Yay! kalimot ko ug warm-up, si Veejay sad! nyaks! sakit kaayo akong mga braso kay hastang bug-ata man intawon sa mga bola sa bowling ui! Pero okay lang gihapon, lingaw kaayo mi! hehehe.. sige ra pud mi picture-picture didto. Bisitaha ninyo ang asenath.multiply.com aron makita ninyo ang mga pictures namo ganina. Akong nasinati nga maayo man diay magbaktas-baktas, unya magbowling pagkahiman-himan. Murag mamayat gyud ko ana kung ako na pirminintihon! hahahah. madayo na gyud akong mga pangandoy nga mamayat! Nakatulo mi ka set pagdula ni Veejay. Sa unang duha ka dula, ako ang midaog. Pero sa ikatulog, si Veejay na! haha. Kuyaw kayo kay naka STRIKE sya! wow! magpatudlo diay ko niya sa sunod kung giunsa to niya! haha. Pagkahuman namo ug dula sa bowling. Naglingkod-lingkod sa mi kay kapoy man kaayo. Unya, niadto mi sa Gaisano South kay magpabugnaw-bugnaw. Unya, gilibre nasad ko ni Veejay ug snacks! nangadto mi sa Makdo, kaon-kaon ug sundae ug fries. hahaha! Nakit-an nako didto si randy-mike. Unya, nanulod nasad mi sa gaisano kay nagdula mi sa ilang arcade! Nag-car racing mi. Hay! Sakadugay-dugay na nakong pinraktis ato nga dula sa Daytona, pildi gihapon ko! hahaha.. bala gyud siguro! hahaha.. sige ra ko syagit didto.hapit na ko duklon ni Veejay ..hahahaha.. pero lingaw kaayo mi! sa tulo ka sunod-sunod nga dula, pildi ko! hahahaha..ambot nalang gyud. Hastang balaa gyud, bords! Mao, nanimalos ko! Magbasketball nasad mi! hahaha.. sa tan-aw nako, arang-arang nako ug iskor didto. Lingaw sad, pero namaga na akong mga palad. Gikapoy na ug maayo. Sunod, niadto nasad mi sa Matina Town Square! na..lingkod-lingkod, hisgut-hisgut na ug seryosong mga butang.. makahilak man sad ta! hahaha.. bitaw, ganahan kaayo ko sa mga giisturyahan namo kaganina. Daghan pud ko natun-an kay Veejay karon, iyang mga words of wisdom ba nga dapat gyud nakong pang-hinuktukan. Unya, gilamok na man mi sa park, mao, nanghagad nasad si Veejay ug inom! Dili RH ha. HOT CHOCO sa BLUGRE. Dah. murag milo nga naay whipped cream lang! hehe. mas lami pa ang Dairy best. toink. Pero okay lang gihapon, libre man sad. hehe. pero mahal to ha! hehe. 75 ang tall cup. Pero thank you lang gihapon! hahahahaha. Istuya-istuya ug lablayp namong duha (ug dili nalang nako i-detalye dire ha kay basig maduklan na gyud ko ug dayon, ug basig panghimaslan ko, dedbol! haha), picture2x nasad.. Hastang garaa! mao.. wala mi duha kabantay nga alas-nuwebe na diay! hahaha..mao..nanguli nami. Ga-taxi mi pauli, ug gi-drop nalang ko sa may kanto sa amo. Op kors, si Veejay nasad ang gabayad. Mao gani Veejay’s treat ang taytol sa akong blog karon! hahaha. Mao to.
Today’s something that I would always remember—a memory that I would always keep and look back if ever I need a dose of happy thoughts to keep me grounded and sane. Veej, thanks a lot for today..and how I thank God for today too! See you soon. I hope you can understand all the words I wrote above.=)
Please visit my other blogs at:
http://thoughtsavenue.blogdrive.com
http://twistedrumbeats.eklaboo.com
